Реал Мадрид во склоп на реновирањето на „Сантијаго Бернабеу“ ја обновува и соблекувалната на фудбалерите, а во оваа ситуација се одлучија на еден интересен потег.

Имено, место елемнтите од старата соблекувална да завршат во отпад, тие ќе се продаваат на аукција каде што фановите и колекционерите ќе можат да ги купат.

Сите ормарчиња од соблекувалната ќе се продаваат на аукција во Лондон од 12 до 26 ноември и почетната цена за едно ормарче ќе изнесува 10.000 фунти. Секој што ќе купи ќе добие сертификат за автентичност, како и потпис од фудбалерот кој го користел.

Во прашање се големи ѕвезди кои го носеа дресот на Реал Мадрид низ годините: Кристијано Роналдо, Дејввид Бекам, Роберто Карлос, Луис Фиго, Зинедин Зидан, Лука Модриќ, Серхио Рамос…

Покрај ормарчињата се продава и грбот кој стоеше на подот од соблекувалната кој е во големина од три метри.