Со изјавата дека „нашата соседна земја не ја почитува ниту првата страница“ од Договорот од Преспа, грчкиот владин портпарол Павлос Маринакис предизвика реакција во македонската влада од каде нагласија дека средбата на двајцата премиери на Самитот на НАТО во Вашингтон не е планирана, но сепак не е исклучена ниту можноста да се случи со оглед на тоа што Мицкоски и Мицотакис најмалку два пати ќе седнат на иста маса.

-Грчката страна досега нема побарано средба со македонската делегација во НАТО. Подготвени сме да разговараме за сите прашања, вклучително и за исполнување на Преспанскиот договор за кој е веќе познато дека се почитува од македонските власти, но таков дијалог би бил добра прилика да се види кои работи ги исполнила и грчката страна во рамките на обврските кои се превземани со овој договор. Би било многу попродуктивно да се разговара за јакнење на економските односи меѓу двете земји и подобар живот за граѓаните отколку јакнење на политички позиции и насионалистички страсти, соопштија од македонската влада.

Портпаролот на грчката Влада Павлос Маринакис денеска на прес конференција одговарајќи на новинарско прашање за евентуална средба меѓу премиерите Мицотакси и Мицкоски рече дека нема ништо планирано.

Можно е Мицкоски и Мицотакис воопшто и да не се ракуваат во Вашингтон, пишува грчкиот печат