Чин Ганг е разрешен од функцијата министер за надворешни работи на Кина и на функцијата е назначен Ванг Ји, кој веќе дејствуваше како шеф на дипломатијата.

Чин беше назначен за министер во декември, а од неодамна целосно исчезна од јавноста, поттикнувајќи шпекулации зошто ненадејно паднал во немилост на претседателот Сји Ѓинпинг, кој му изрази отворена поддршка. Педесет и седумгодишниот министер последен пат се појави во јавноста на 25 јуни.

– Кинеското собрание гласаше Ванг Ји да биде назначен за министер за надоврешни работи. Чин Ганг е разрешен од функцијата. Претседателот Сји го потпиша декретот– објави државната агенција Сјинхуа, без да дава објаснувања.

На седницата на Постојаниот комитет на Националниот народен конгрес бил сменет е и гувернерот на Народната банка на Кина – на местото на Ју Ганг е назначен Пан Гонгшенг.