Разбојник провалил во куќа во Штип но бил забележан од сопственикот и дошло до физичка пресметка.

„Вчера околу 23.00 часот во Штип, полициски службеници од СВР Штип го лишиле од слобода Ј.Т.(33) од Штип. Тој бил затекнат при извршување разбојничка кражба во куќата на Л.П. во Штип, при што одзел пари, накит и други предмети. Откако бил забележан од сопственикот, тој се обидел да побегне и започнал физичка пресметка со него. Ј.Т. бил задржан во полициска станица и кај него било пронајдено одземеното и било вратено на сопственикот“, информираат од МВР.

По целосно документирање на случајот, против него ќе биде поднесена соодветна пријава.