Хрватска не произведува доволно храна за потребите на сопственото население. Темата за украинските инвестиции во живинарството во Хрватска малку замре по парламентарните избори, но суштинските проблеми поврзани со нив остануваат. Живинарите предупредуваат дека реализацијата на овие инвестиции може да донесе значителна нерамнотежа и на хрватскиот и на поширокиот регионален пазар.

Впрочем, предупредуваат дека Хрватска веќе е полигон за увоз на евтини и неквалитетни јајца. Увозот на јајца се зголеми од 70 милиони на 115 милиони јајца. Минатата година имаше околу 631 милион јајца, што е за 5 отсто помалку од претходната година. Во исто време, јајцата во Хрватска беа најскапи во ЕУ минатата година. „Пристигнуваат од сите можни земји, од каде што се најевтини, проблем ни е да се натпреваруваме со големите производители лоцирани во ЕУ, кои се многу поголеми од нас, а од друга страна, увозот на овие производи е недоволно контролиран“, објаснува Дражен Чурила за телевизијата РТЛ, претседател на Одделот за живина при Хрватската земјоделска комора.

И од Хрватската земјоделска комора се согласуваат дека податоците за производството се загрижувачки и бараат итна средба со новиот министер. Руската агресија против Украина и огромниот пораст на извозот на месо од живина и јајцата за јадење од Украина до пазарот на ЕУ дополнително ги нарушија односите на пазарот, а со тоа и потрошувачките цени на живинското месо и јајцата – објаснува Бобетиќ, но додава дека малопродажните цени на месото во Хрватска пораснале за дури 17% побрзо од цените на производителите, пренесува „СЕЕ.биз.еу“.