Директорката на американскиот Завод за јавно здравство во државата Илиноис, Нгоки Езике, вели дека дошло до значаен пораст на случаите со труење во последните два дена.

Тоа, од друга страна, се поклопува со советот на претседателот Доналд Трамп за вбризгување на дезифициенс како би се спречило ширењето на коронавирусот.

Езике изјавила дека случаи на труење пријавиле луѓе кои со детергенти се обидувале на ги измијат синусите, додека една личност правела гаргара со мешавина од избелувач и вода за уста како би го убила вирусот.

„Вбризгување, пробување и шмркање на средства за чистење е опасно. Не го советуват тоа, тоа може да биде смртоносно“, рекла Езике, пишува Си-Ен-Ен.

Американскиот претседател Трамп повторно ја запрепасти медицинската заедница со последните коментари за лек за коронавирусот. Неговите коментари експертите ги нарекоа неодговорни и опасни. Имено, Трамп пред два дена, на дневната прес конференција за коронавирусот сугерираше дека вбризгувањето на дезинфекционо средство во телото може да го убие коронавирусот.