Пред неколку дена, италијанскиот весник „Ла Стампа“ објави дека Јирген Клоп се согласил да стане нов тренер на италијанскиот фудбалски клуб Рома. Само неколку часа подоцна, стигна демантот, а за новиот тренер зборуваше и стратегот на „волчицата“ во заминување, Клаудио Раниери.

Пред последното коло од Серија А во кое Рома ќе игра на гостински терен во Торино, Раниери вели дека раководството на клубот веќе постигнало договор со неговиот наследник, но дека ова не е информацијата што му е потребна и може да ја соопшти на медиумите.

Пред неговиот последен натпревар на клупата на Рома, Раниери даде интервју за „Република“ во кое зборуваше и за идниот тренер на Рома.

– Секако, таа работа е веќе завршена. Но, тоа е до претседателот, тој треба да одлучи кога е време да го објави тоа – рече Раниери.

Се споменуваат разни опции и разни тренери кои би можеле да го наследат Раниери. Италијанските медиуми ги споменуваат Масимилијано Алегри и Маурицио Сари.

– Дури и мојот брат ми се јави. Рече – барем мене кажи ми. Сите ме прашуваат. Но, му реков дека токму затоа не можам да му кажам. Не му кажав ни на Вендети. Му реков дека ќе дознае на 1 јули, а потоа тој ми рече – па, ако дојде на 1 јули, нема да се сретне со играчите. Не грижи се, ќе му објаснам – кажа Раниери.

Вендети е еден од најпопуларните италијански пејачи и голем фан на Рома. Тој е автор на химната на клубот.