Албанскиот премиер и лидер на Социјалистичката партија Еди Рама на партиското собрание го разреши целиот секретаријат на партијата, објави Албанската пошта.

Формирањето на новото партиско раководство се очекува во септември. Разрешен е претходниот генерален секретар на Социјалистичката партија Дамијан Џикнури, а на негово место дојде Бленди Кљоси, а секретарите за организација, правни и изборни прашања, човечки ресурси, координација, дигитални прашања, женски прашања, надворешни работи за миграција беа разрешени.

Повикувајќи се на неименуван извор, Албанската пошта наведува дека Рама најавил промени и во Владата на Албанија и дека со ова прашање ќе се занимава во наредните денови. За претседател на пратеничката група на социјалистите е избран разрешениот министер за внатрешни работи Блејди Ќучи, а за нов министер е назначена Тулан Баља.