На првиот ден од меѓународниот турнир „Трофеј Македонија“ што се одржува во салата „Билјанини извори“ во Охрид, најдобрата женска сениорска ракометна репрезентација на Македонија стартуваше со победа.

Нашите најдобри ракометарки имаа одлична вечер за паметење, блескаа на теренот и ја совладаа репрезентацијата на Тунис со убедливи 34:27.

Избраничките на селекторот Кристијан Грчевски покажаа борбеност, срце и вистински тимски дух во текот на натпреварот.

Претходно селекцијата на Грција триумфираше над Египет со резултат 25:22.

Возбудлив дуел со динамична игра и борба до самиот крај, каде што грчките ракометарки успеаја да слават со три гола разлика.

Во петок од 18.15 часот, Грција ќе се соочи со Тунис, додека од 20.30 часот Македонија за противник ќе го има Египет.

Преземено од: Спорт.ком.мк