Женската ракометна репрезентација на Македонија го запиша првиот пораз на турнирот „Трофеј Македонија“, откако во второто коло загуби од селекцијата на Египет со минимални 18:19, во натпревар кој донесе многу борба, малку голови и драматична завршница.

Нашите ракометарки имаа неколку пати предност од три гола, но упорната египетска селекција успеваше да се врати и не дозволи Македонија да се одлепи резултатски. Натпреварот мина во цврста и физички тешка игра, а првото полувреме заврши со изедначен резултат (10:10).

За жал, првите 30 минути беа засенети и од сериозна повреда на една од египетските ракометарки, која незгодно згазна при обид да пресече контра-напад и се здоби со тешка повреда на коленото.

Второто полувреме продолжи во ист ритам со малку голови. Македонија поведе со погодок на Кипријановска за 18:17, но Египет брзо израмни, а дополнителен удар за нашиот тим беше исклучувањето на Џатевска, по што натпреварот го завршивме со играч помалку.

Во последните секунди, противничката селекција доби седмерец и го искористи за победа. Ќе потсетиме, Македониј вчера во првото коло го совлада Тунис.

Преземено од: Спорт.ком.мк

ВОЗНЕМИРУВАЧКО ВИДЕО | Непријатна сцена во Охрид: Ракометарка на Египет врескаше од болка по тешка повреда