Женската ракометна репрезентација на Македонија е поразена од актуелниот европски и светски шампион Норвешка со 18:24 во рамки на петтото коло од ЕХФ Евро купот.

Ракометарките одиграа одличен натпревар, 40-тина минути беа рамноправен противник на фаворизираните Норвежанки кои во финишот со серија 0:7 го скршија отпорот на избраничките на селекторот Љубомир Савевски. .

Норвежанките кои настапија во подмладен состав, без најголемите ѕвезди, поведоа на стартот со 0:2, а првиот гол за Македонија го даде Марија Штериева во третата минута. На средина од првиот дел,

Норвежанките имаа водство од 5:9 по што селекторот Савевски повика тајм-аут кој вроди со плод. По головите на Садовска и Ристовска, Македонија намали на 8:10 и до крајот на првиот дел се играше гол за гол. На одмор се замина со резултат 12:14 за Норвешка.

Избраничките на Савевски одлично го започнаа второто полувреме и со двата гола на Јанеска израмнија на 14:14 и притоа го оставија светскиот и европскиот шампион цели девет минути без постигнат гол.

Но двете грешки на македонските ракометарки беа казнети преку Фауксе и Ларсен за водство од 14:16. По голот на Јаневска со кој Македонија намали 16:17, но следниот напад на Норвежанките, Џатевска заработи исклучување од две минути кое Норвежанките максимално го искористија.

Прво постигнаа два гола, а потоа дадоа уште седум гола во серија и ги решија дилемите околу победникот. На крајот Норвешка славеше со 18:24, но израничките на селекторот Савевски одиграа одличен натпревар во кој 47 минути беа рамноправен противник.

Најдобри во редовите на Македонија беа Саздовска со шест, Јаневска со четири и Ристовска со три гола додека Мицевска имаше 14 одбрани. Кај Норвешка, Фауксе даде шест, додека Арнцен постигна пет гола.
Вториот дуел меѓу Норвешка и Македонија ќе се игра в недела од 16:00 часот.