Репрезентацијата на Шпанија славеше победа од 24:20 и во вториот натпревар против Македонија во рамките од четвртото коло во квалификациите за Европското првенство.

Влезе цврсто Македонија во натпреварот и поведе со 3:1, меѓутоа набрзо Шпанија поведе и направи пресврт (7:5). Интересни и изедначени беа и наредните минута, а домаќинот на полувреме водеше со 10:9.

На почетокот од второто полувреме Македонија израмни на 10:10, меѓутоа Шпанија потоа влезе во одличен ритам и направи предност од пет гола разлика (19:12). Се бореше Македонија и до крајот, но сили да се вратат во натпреварот македонски ракометарки немаа.

Пинто со четири гола беше најефикасна кај Шпанија, додека за Македонија Маџовска и Кипријановска постигнаа по три. Во вториот натпревар од нашата група Литванија му врати на Азербејџан и славеше победа од 41:26.

На табелата во групата Шпанија е прва со осум бода, Македонија на второто место има четири, додека Литванија и Азербејџан се со по два бода.