Ракометарите на Алкалоид вечерва го одржаа последниот тренинг пред реваншот од полуфиналето во ЕХФ Европскиот куп против, Рунар Сандерфјорд.

Избраниците на Лазаров имаат одлична предност од првиот натпревар во Автокоманда каде што славеа со 42-37 и утре ќе се обидат да дојдат до финалето.

Ако Алкалоид дојде до финалето тие ќе станат трет македонски клуб кој играл европско финале по Вардар во Лигата на шампионите која и двапата ја освои и Пелистер кој во 2002 година загуби во битката за трофејот во ЕХФ Челинџ купот.

Натпреварот помеѓу Рунар и Алкалоид се игра во терминот од 17:00 часот.