Вчера во 02.00 часот на автопатот А1, во близина на село Мрзенци, гевгелиско, полициски службеници од Полициската станица Гевгелија го привеле четириесет и тригодишниот Б.К. од радовишкото село Злеово.

Како што информираат од МВР, околу 01.30 часот на регионалниот пат помеѓу селата Прдејци и Смоквица, гевгелиско, тој со  „фолксваген голф“ со штипски регистарски ознаки не застанал на знак за запирање даден од полициски службеници, по што со возилото се обидел да удри еден од нив.

Притоа, полицискиот службеник од службениот пиштол пукал во гумата на возилото и тој застанал.

Лицето било задржано во Полициската станица Гевгелија, а за настанот бил запознаен јавен обвинител од Основното јавно обвинителство Гевгелија.

По документирање на случајот против Б.К. ќе биде поднесена соодветна пријава.