Потпретседателот на Српската листа, Милан Радоичиќ, изјави дека српскиот народ на Косово „никогаш нема да дозволи“ општините со мнозинско српско подрачје на северот од земјата да бидат предводени од оние кои  на изборите освоиле „1 или 2 отсто од гласовите“. “

Тој не прецизираше какви мерки може да се преземат.

Во недела, на 23 април, се одржаа предвремени локални избори во четири општини на север на Косово – Северна Митровица, Зубин Поток, Звечан и Лепосавиќ.

Излезноста беше мала – нешто над 3 проценти, според Централната изборна комисија, откако Српската Листа – најголемата партија на Србите во Косово – не учествуваше на изборите и ги повика српските граѓани да ги бојкотираат.

Во трката имаше десет кандидати – кој од нив само еден од српската заедница.

Според податоците на ЦИК, во Северна Митровица и Лепосавиќ победиле кандидатите на Движењето Ветевендосје, додека во Зубин Поток и Звечан победиле кандидатите на Демократската партија на Косово.

Преку изјава дистрибуирана до медиумите, Радоичиќ рече дека верува оти „сите ја разбрале пораката што ја дал српскиот народ од северот на Косово“, кој во голема мера го бојкотираше изборниот процес.

Радоичиќ рече дека им се заблагодарува на своите сонародници од Лепосавиќи, Звечан, Северна Митровица и Зубин Поток за „покажаниот патриотизам, достоинство, чест и единство“.

“Наше е да ја продолжиме борбата заедно со нашата земја Србија и со претседателот Александар Вучиќ и да го зачуваме мирот и правото на Србите да го живеат својот живот“, рече Радочиќ.

На бојкот на изборите повика и официјален Белград, кој ја поддржува Српската листа.

Србија и Србите во Косово бараат формирање на Заедницата на општините со мнозинско српско население на Косово – за што Приштина и Белград се согласија пред десет години – пред да учествуваат на какво било гласање.

ЕУ и САД минатата недела изјавија дека се разочарани што Србите одлучиле да не учествуваат на изборите.

Општините на север се без градоначалници од ноември минатата година, кога српските функционери од оваа област поднесоа оставки во сите институции, поради планот на Владата на Косово да ги замени нелегалните српски регистарски таблички со косовски.