И оваа сезона се очекува доста интересно да биде во македонската машка ракометна Супер лига каде конкуренцијата станува сè поголема во трката за шампионската титула.

Овој месец во фокусот на вниманието секако ќе биде Европското првенство кое ќе се одржи во Германија, а по завршувањето на истото ракометарите веднаш ќе бидат насочени кон своите клупски обврски.

Од крајот на август минатата година, Богдан Радивојевиќ стана нов играч на актуелниот македонски шампион Еурофарм Пелистер. Радивојевиќ исто така го очекува настап на ЕП со репрезентацијата на Србија.

Како што стои во договорот со клубот од Битола, десното крило останува до јуни годинава.

– Пелистер е нешто поразлично од она што го имав во претходните 10 години во Германија и Унгарија. Тоа е клуб со традиција, со страсни навивачи. Тимот е млад, нов, имаме само двајца или тројца искусни играчи. Тренираме добро. За жал, не освоивме бод до сега во Лигата на шампионите. Верувам дека ова ќе биде големо искуство за сите во Битола, за младите да видат како се игра најсилната конкуренција. Не почнавме добро во домашното првенство, но имаме шанса во плеј-офот да се поправиме и да ја одбраниме титулата. Немаме квалитет во Лигата на шампионите да направиме нешто повеќе, но се бориме, верувам дека на крајот ќе го освоиме шампионатот на Македонија. Тоа е приоритет до крајот на сезоната – вели Радивојевиќ во интервјуто за „Моцарт Спорт“.

Табелата пред стартува на плеј-офот во домашното првенство изгледа вака: Вардар 1961 3 бодови, Алкалоид 3, Охрид 2, Еурофарм Пелистер 2, Тиквеш 1, Бутел Скопје 1, Тинекс Пролет 0, Струга 0.