Триесет и осумгодишен работник од Кина загинал во фабрика во Кавадарци. Според полицискиот билтен, несреќата во Кавадарци се случила околу 12:10 часот, кога 38-годишниот кинески државјанин Г.Х. бил удрен од кран додека извршувал работни задачи во фабрика. Од здобиените повреди починал на самото место. Лекар од Итна медицинска помош ја констатирал смртта, а увид извршил јавен обвинител со екипа од ОВР Кавадарци.

Од Државното јавно обвинителство соопштија дека првичните сознанија упатуваат на тоа дека починатиот во земјава пристигнал кон крајот на август, но и покрај тоа што престојот и работниот однос не му биле целосно регулирани, тој веќе бил ангажиран во фабриката.

„Бил притиснат од кран на висока платформа и претрпел тешки телесни повреди од кои починал“, информираат од обвинителството.

Издадени се наредби за обдукција, за машинско вештачење на кранот, како и за проверка на документацијата и почитувањето на прописите за заштита при работа. Се испитува и можноста за сторени тешки дела против општата сигурност.

Несреќа во Делчево: 30-годишен работник загина по пад во фабрика