Одбојкарките на Јанта волеј го освоија шампионскиот трофеј по четврти пат во својата историја, откако во финалната серија од македонскиот шампионат со 3-1 во натпревари го совладаа тимот на Работнички.

На последниот, решавачки дуел, Јанта волеј славеше со 3-1 во сетови и ја запечати серијата со идентичен вкупен резултат. Иако натпреварот започна со неколку грешки на домашниот тим, одбојкарките на Јанта брзо ја стабилизираа играта и направија пресврт кој ги донесе до победа и титула.

Првиот сет беше изедначен, но Јанта волеј успеа да го добие со 25-23. Работнички возврати во вториот, но следните два сета им припаднаа на шампионките, третиот со убедливи 25-19, додека четвртиот сет донесе најмногу драма, но сепак заврши во корист на Јанта со 25-22.

Мери Бошковска беше одлична во финалето со 19 поени, додека Ива Стојковска запиша 12. На другата страна, најпрецизна кај Работнички беше Стакхаус со 13 поени.