Екипата на Работнички потврди ново заасилување во своите редови и тоа младинскиот репрезентативец, Димитар Трајков.

Офанзивецот пристигнува на позајмица од украинскиот клуб Житомир Полисја, каде се пресели во јули 2024 година. Со неговото доаѓање, стручниот штаб на Работнички добива дополнителна опција во нападот.

Трајков својата кариера ја започна во струмичките Беласица и Брера, а зад себе има и епизода во Хрватска во тимот на Дугопоље.

Во дресот на македонската репрезентација до 21 година има седум настапи, а последните два ги забележа во тековниот квалификациски циклус, во натпреварите против Полска и Италија. Претходно беше дел и од младинските селекции до 18 и 19 години.