Младинската екипа на Работнички, актуелен шампион во оваа категорија во македонскиот фудбал, го доби својот прв предизвик на европската сцена. На денешната ждрепка во Нион, швајцарскиот седиште на УЕФА, беше одредено скопскиот тим во првото квалификациско коло од УЕФА Младинската Лига на шампиони да се сретне со тимот на Шелбурн од Ирска.

Во случај да го мине ирскиот претставник, Работнички во втората рунда ќе се соочи со словачката Жилина. Новата сезона во младинската ЛШ започнува на 16 септември, а ќе трае до 20 април 2026 година.

Ова е седмо учество на Македонија во квалификациите за ова натпреварување. Досега, таму настапуваа Шкендија (три пати), Вардар, Победа и Брера Струмица, но ниту еден од претставниците не успеа да оствари победа.