Францускиот репрезентативец, Адриен Рабио го продолжи договорот со Јувентус, потврди „старата дама“.

Со новиот договор, францускиот играч за врска ќе има годишна плата од седум милиони евра со дополнителни бонуси. Во Јувентус, Рабио пристигна во 2019. година од Пари Сен Жермен како слободен играч.

Во изминатиот период во дресот на Јувентус собра 177 настапи, постигна 17 голови и освои три трофеи, Скудето, Куп и Суперкуп на Италија.

Јувентус претходната сезона во Серија А ја заврши на седмото место кое ги носи во Конференциската лига, но ниту таму Италијанцитен е се сигурни бидејќи се најавува казна од УЕФА. Ќе потсетиме, на клубот од Торино му беа одземени и 10 бодови.

Рабио во оваа турбулентна сезона беше еден од најистакнатите играчи и најдобар стрелец на тимот.

Rabiot 2️⃣0️⃣2️⃣4️⃣? pic.twitter.com/xmd9fzPyzs

— JuventusFC (@juventusfc) June 27, 2023