Многу е тешко да се поверува дека рускиот напад врз украинската нуклеарна централа Запорожје не бил намерен, изјави во петокот британскиот вицепремиер Доминик Рааб.

Украина соопшти дека руските воени сили ја зазеле централата – најголемата во Европа – откако ја нападнале во раните утрински часови во петокот, при што бил запален соседниот објект за обука на пет ката.

„Многу е тешко да се поверува дека тоа не е направено намерно. Но, во секој случај, незаконски е да се нападне ваква локација и да не се врши длабинска анализа на неа и да се продолжи да се бомбардира“, изјави Рааб за телевизијата Би-Би-Си.