Владимир Путин денес за време на разговорот со потпретседателот на Јужноафриканската Република, Пол Машатиле, изјави дека зајакнувањето на врските со африканските земји е приоритет за Русија.

За време на разговорот со Машатиле, во рамките на Меѓународниот економски форум во Санкт Петербург, Путин изјави дека односите меѓу Русија и Република Јужна Африка се развиваат успешно.

„Односите меѓу Русија и Република Јужна Африка успешно се развиваат врз принципите на сеопфатно стратешко партнерство, рамноправност и меѓусебно почитување“, рече Путин.

Путин исто така рече дека е во постојан контакт со претседателот на Јужноафриканската Република, Сирил Рамафоса.