Рускиот претседател Владимир Путин изјави дека Москва никогаш не се спротивставувала на потенцијалното членство на Украина во Европската Унија и дека е можно да се постигне консензус за обезбедување на безбедноста и на Русија и на Украина.

Путин ги отфрли тврдењата дека е „уморен“ од војната во Украина и дека би можел да ја нападне Европа или НАТО, нарекувајќи ги тие тврдења „хорор приказни“ и „хистерија“. Тој посочи дека Русија била принудена да дејствува во Украина поради обидот на Западот да го апсорбира постсоветскиот простор преку НАТО, пишува Ројтерс.

Путин истакна дека позицијата на Русија е неприфатлива за членството на Украина во НАТО, додека за ЕУ нема забелешки. Тој додаде дека се разгледуваат опции за обезбедување на безбедноста на Украина во случај на прекин на конфликтот и дека постои можност за консензус.

Русија, според Путин, е подготвена да соработува со САД и Украина околу нуклеарната централа Запорожје, најголемата во Европа.