Рускиот претседател Владимир Путин нема да присуствува на погребот на последниот советски лидер Михаил Горбачов поради напорниот работен распоред, соопшти Кремљ.

Портпаролот на Кремљ, Дмитриј Песков, изјави за новинарите дека Путин му оддаде почит во четвртокот наутро со посета и положување венец во Централната клиничка болница во Москва, каде што почина Горбачов во вторникот.

За жал, распоредот на претседателот не му дозволува тоа да го направи на 3 септември, па реши да го направи тоа денеска“, рече Песков.

Тој додаде дека на погребот на Горбачов ќе има „елементи“ на државен погреб, вклучително и почесна стража, и дека државата ќе помогне во организирањето на погребот.

Да потсетиме, поранешниот претседател на Советскиот Сојуз, Михаил Горбачов, почина на 30 август на 92-годишна возраст по долго боледување, соопшти Централната клиничка болница, пренесува РИА Новости.