Рускиот претседател Владимир Путин и кинескиот претседател Си Џинпинг утринава разговарале преку видео врска, јавија кинеските медиуми.

Утрото на 21 јануари, кинескиот претседател Си Џинпинг одржа видео-конференција со рускиот претседател Владимир Путин во Големата сала на народот во Пекинг“, се вели во соопштението на новинската агенција Ксинхуа.

За време на разговорот рускиот претседател Владимир Путин и кинескиот претседател Си Џинпинг ги сумирале  нивните заеднички активности во изминатата година и ги истакнаа новите планови за развој на односите меѓу двете земји за време, се наведува во соопштението.

Путин и Си истакнаа дека Русија и Кина се заеднички посветени на градење поправеден мултиполарен светски поредок и обезбедување безбедност во светот, а Москва и Пекинг градат односи засновани на пријателство и взаемна доверба.

„Надворешно-политичките врски меѓу Русија и Кина играат важна стабилизирачка улога на светската сцена“, било нагласено во разговорот, пренесува РИА Новости.

Кога станува збор за економската соработка, беше истакнато дека трговскиот промет меѓу Кина и Русија е зголемен за повеќе од седум отсто во првите 11 месеци од минатата година и достигна повеќе од 220 милијарди долари.

Според кинеската статистика, во текот на 2024 година трговскиот промет меѓу двете земји изнесувал речиси 245 милијарди долари.

Путин и Кси истакнаа дека Русија и Кина спроведуваат успешни проекти во индустријата, транспортот, земјоделството и други области.

На состанокот со членовите на владата на почетокот на јануари, рускиот претседател најави дека наскоро планира телефонски разговор со Си, пренесоа руските медиуми.