Претседателот на Русија, Владимир Путин изјави дека економската состојба во земјата во голем број клучни показатели е подобра од претходно проектираната.

Состојбата во економијата во моментов е стабилна и избалансирана, а во голем број клучни показатели ситуацијата е многу подобра од претходните проценки и прогнози, рече Путин на состанокот за нацрт-федералниот буџет за 2024-2026 година.

Путин изјави дека, спротивно на негативните прогнози, БДП би можел да достигне 2,8 отсто на крајот на годината.

„Економската ситуација во земјата е стабилна и избалансирана. Отпорноста на руската економија е за пофалба. БДП на Русија го достигна нивото последен пат забележано во 2021 година, а владата е подготвена да создаде услови за понатамошен стабилен и долгорочен развој“, рече Путин, пренесува Си-Ен-Ен.

Тој истакна дека руската економија „се избори со невидениот надворешен притисок и целосно закрепна, при што БДП го достигна нивото од 2021 година“.

– Општо земено, сега може со сигурност да се каже дека фазата на закрепнување на руската економија е завршена. Издржавме апсолутно невиден надворешен притисок од некои владејачки елити во таканаречениот западен блок, кои ги нарекуваме непријателски, рече Путин.