Маж вчера отвори оган во црква во Кентаки, САД, при што загинаа две жени, а три други лица се повредени, вклучувајќи двајца мажи кои се хоспитализирани.

Жртвите, на возраст од 72 и 32 години, беа пронајдени мртви во баптистичката црква во Лексингтон. Двајца од парохијата беа сериозно повредени, едниот хоспитализиран во критична состојба, а другиот во стабилна состојба.

Сторителот, за време на сообраќајна контрола, застрелал еден државен полицаец, а потоа украл автомобил и се упатил кон црквата. Влегол во храмот и почнал да пука кон присутните.

Полициските сили веднаш пристигнале на местото на настанот. По престрелката тие го „неутрализирале“ сторителот, кој им подлегнал на раните. Од досегашните истраги, властите веруваат дека осомничениот имал врска со луѓе во црквата.

Гувернерот на Кентаки, Енди Бешир, објави на Икс дека „вакво насилство нема место во нашата земја“.

Инцидентот го истражува државната полиција на Кентаки.