Три лица загинаа, а осум се ранети во пукање во училиште во Мисисипи, откако засега непознат сторител отворил оган врз група луѓе кои присуствувале на фудбалски натпревар во училиштето, соопштија денеска локалните власти.

Пукањето се случило откако двајца млади мажи се степале, соопшти канцеларијата на шерифот на округот Холмс.

Двете жртви кои загинаа биле на возраст од 19 години, а третата 25. Повредените се префрлени во локалните болници.

„Еден фудбалски тим победи на натпреварот и луѓето сакаа да слават, но другите ја немаа истата намера“, изјави шерифот на округот Холмс, Вили Марч.