Во првиот натпревар од осминафиналето во ракометната Лига на шампионите на гостински терен триумфираше ПСЖ над Пик Сегедд со 31:30.

После првото полувреме играчите на ПСЖ исто така имаа минимална позитива од 14:13.

Во текот на вториот дел француската екипа еднаш стигна и до „плус четири“ предност, на крајот Унгарците ја намалија негативата за одржување на шансите во овој двомеч.

Во победничките редови Шипжак имаше осум погодоци, два повеќе од Пранди.

На спротивната страна шест голови запиша Кукиќ, а по пет забележаа Шоштариќ, Бодо и Банхиди.

Реваншот ќе се игра на 3 април на теренот на ПСЖ. Победникот од оваа пресметка во четвртфиналето ќе игра против Барселона.