Челниците на ПСЖ му понудија на Интер 60 милиони евра за словачкиот репрезентативец Милан Шкринијар, пренесуваат италијанските медиуми.

Раководството на Интер ја одби првата понуда на „светците“ за словачкиот фудбалер која изнесуваше 50 милиони евра поради што ПСЖ денеска достави нова и „потешка“ понуда.

Интер бара 80 милиони евра за Шкринија, а италијанските медиуми тврдат дека челниците на „нераѕурите“ се подготвени да прифатат и 60 милиони евра, но со дополнителни бонуси од 20 милиони евра.

Шкринијар (27) има договор со Интер до јуни следната година. Тој е член на миланскиот клуб од 2017 година, а претходно играше за Сампдорија, Златне Моравче и Жилина.

За репрезентацијата на Словачка Шкринијар досега  одигра 54 натпревари и постигна три гола.