Во општата болница во Гевгелија, викендов се роди здраво машко бебе, првородено бебе годинава на среќните родители Ивана и Томче Чабулеви од Гевгелија, кои се радуваат на својата трета рожба.

По традиција, гевгелискиот градоначалник Сашо Поцков, денеска ги посети новороденчето и неговата мајка и на среќните родители, покрај честитките, им упати желби за добро здравје на целото семејство.

– Се гордееме со новиот жител на општината и се надеваме дека годината ќе ни биде здрава, плодна и успешна. Наша првенствена цел е здравјето на граѓаните, па се надеваме дека во 2021 година ќе се справиме со пандемијата од Ковид-19, но истовремено ќе размислуваме и за иднината на новите генерации, рече Поцков.

Градоначалникот Поцков на новореденчето му подари 10.000 денари од Општина Гевгелија и пригодни подароци за него и неговата мајка.

Директорот на општата болница, Митко Крџев во оваа прилика истакна дека во Гевгелија веќе има доволно гинеколози и искусни медицински сестри за успешни породувања на родилките.