Прво огласување на Доналд Трамп откако Вирџинија Џуфре си го одзеде животот: „Тоа е ужасна работа“
Американскиот претседател Доналд Трамп се огласи за смртта на Вирџинија Џуфре, жртва на трговија со луѓе, злоупотребувана од Џефри Епштајн, која тврдеше дека тој ја однел кај британскиот принц Ендру, средниот син на покојната кралица Елизабета Втора.
Препорачано
Трамп ја опиша смртта на Џуфре, која изврши самоубиство, како „ужасна, ужасна работа“, додека теоретичарите на заговор на интернет веднаш се посомневаа околу околностите на нејзината смрт, поврзувајќи ја со мистериозното „самоубиство“ на милијардерот педофил Епштајн.
Вирџинија Џуфре, која пораснала во Флорида, се запознала со Епштајн додека работела како млад терапевт во имотот на Трамп во Мар-а-Лаго. Таму, ѝ се обратила колешката и љубовница на Епштајн, Гислен Максвел, која ја вовлекла во светот на масажите, а потоа и во сексуалната злоупотреба на богати и моќни мажи.
Таа почина во петокот во Западна Австралија, на 41-годишна возраст.
По враќањето од Рим, каде што присуствуваше на погребот на папата Франциск, Трамп на аеродромот во Њу Џерси изјави дека веста за нејзината смрт е „многу тажна ситуација“.
„Целата таа ситуација е многу тажна. Таа и другите жртви. Секако, тоа е ужасна работа. Тоа е ужасна, ужасна работа“, повтори Трамп.
Reporter: Do you have a reaction to the suicide of Virginia Giuffre?
Trump: It’s a very sad situation — the whole thing. Her and the others. It’s a horrible thing.
(Giuffre was recruited by Ghislaine Maxwell while working at Mar-a-Lago.)
pic.twitter.com/DiGOpdI207— Republicans against Trump (@RpsAgainstTrump) April 27, 2025
Семејството на Вирџинија Џуфре изјави дека „товарот на злоупотребата станал неподнослив“ и дека тоа довело до нејзиниот трагичен крај.
И покрај официјалните изјави, теоретичарите на заговор продолжуваат да ги доведуваат во прашање околностите на нејзината смрт, поврзувајќи ја со смртта на Епштајн, кој беше пронајден мртов во неговата ќелија во Менхетен во 2019 година под околности што многумина ги сметаат за сомнителни.
Смртта на Вирџинија се случила откако починале уште две други жртви на Епштајн – едната од предозирање во 2023 година, а другата во 2017 година.
Donald Trump breaks his silence on Virginia Giuffre’s ‘horrible’ death as conspiracy theorists link it to Jeffrey Epstein’s suspicious ‘suicide’ in prison | Dai.. https://t.co/y2ilRs36IO
— Williams Kris (@kris_willi28289) April 28, 2025
Синот на Доналд Трамп, Доналд Трамп помладиот, се присети на коментарот на Џуфре од декември 2019 година, во кој таа напиша дека нема самоубиствени мисли и дека ако нешто ѝ се случило, тоа треба да им се припише на „злите луѓе“ кои сакаат да ја замолчат. Трамп помладиот го ретвитна овој пост со коментар: „Ова е диво“.
По веста за нејзината смрт, а претходно и сообраќајната несреќа во која учестваше Џуфре, се наметнува теоријата дека таа би можела да биде дел од поширок заговор.
Oh come on!!!!
Other than the Clinton’s no one has more suiciding going on. https://t.co/tmzw8KvOjt
— Donald Trump Jr. (@DonaldJTrumpJr) April 26, 2025
Истрагата за нејзината смрт во Западна Австралија сè уште е во тек, но локалната полиција засега не гледа никакви знаци на сомнителни околности.
За потсетување, принцот Ендру, иако негираше дека се познавал со Џуфре, платил отштета од повеќе милиони долари за да избегне судски процес.
Покрај тоа, смртта на другата жртва, Керолин Адријано, која сведочеше против Максвел, се случи минатата година во хотелска соба, додека Ли Патрик, уште една од жртвите на Епштајн, починала во 2017 година од предозирање со хероин.
