Претседателот на Ливерпул, Том Вернер, зборуваше за летниот преоден рок во кој клубот од „Енфилд“ собори британски рекорд со потрошени 450 милиони фунти.

„Лигата е премногу израмнета, не може да се очекува успех со ист тим од сезона во сезона. Сакавме да донесеме нова енергија и идеи, а тоа беше можно само затоа што претходно продадовме многу играчи,“ истакна Вернер во подкастот It’s Called Soccer.

Тој додаде дека тимот сè уште не „кликнал“ целосно, но дека тоа и не се очекувало веднаш.

Вернер зборуваше и за обидот да се донесе Александар Исак од Њукасл, како и за неуспешниот трансфер на Марк Геи од Кристал Палас. „Исак е фантастичен, но тој не е единствениот напаѓач на светот,“ заклучи првиот човек на Ливерпул.

Превземено од: sport.com.mk