На состанокот кој се одржа денеска во Ракометната федерација на Македонија актуелниот претседател на РК Бутел, Александар Стефанов прв поднесе кандидатура за наследник на Живко Мукаетов.

Изборното собрание на кое Мукаетов ќе ја предаде својата функција е закажано за 1 март.

Стефанов е поранешен ракометар и сегашен главен спонзор на суперлигашот.

„Иако сум релативно млад, верувам дека искуството што го стекнав во ракометот, како на чело на РК Бутел така и како дел од УО на РФМ, ме подготвува за оваа одговорна задача. Со напорна работа и тимска соработка, уверен сум дека можам да придонесам за натамошен развој на нашиот спорт. Засега фокусот го насочувам на настапот на репрезентацијата на Светското првенство, а наскоро ќе споделам повеќе детали за моите планови и визија,“ изјави Стефанов.

Според најавите во јавноста наскоро треба да се појават уште неколку кандидати во битката за местото на Мукаетов.