Ако ве прашаме да ги наведете поранешните сопруги на холивудската ѕвезда Том Круз, малкумина би знаеле како да продолжат по Никол Кидман и Кејти Холмс. Но, пред нив Круз беше во брак со актерката Мими Роџерс, а таа е всушност најголемиот виновник за неговата опседнатост со скиентолошката заедница, што на крајот доведе до неуспех и на неговите други бракови.

Со неа се ожени во целосна тајност, во време кога стана светска сензација благодарение на улогата во „Топ Ган“. Само две лица застанаа како сведоци на нивната свадбена церемонија, а токму Роџерс го вовела нејзиниот нов сопруг во скиентологијата.

68-годишната актерка и денес се занимава со глума, а таа е професионален играч на покер.

Нивниот брак траеше само две години, до 1989 година, а заврши само два дена пред Круз да се упати на снимањето на филмот „Days of Thunder“, каде што ја запозна својата идна сопруга Никол Кидман.

Шест години постарата Мими Круз ја запознал на вечера кога имал 23 години. Таа тогаш била во врска, а Круз го освоила со својата „неверојатна интелигенција“, тврди глумецот

Мими, пак, опиша поинакво сценарио на нивната средба, тврдејќи дека ги запознале заеднички пријатели.

„Јас не се гледав никого, ниту тој, па затоа мислеа дека треба да се споиме. Се согласив на состанок“.

Се договориле приватниот живот да го задржат само за себе, па и нивната венчавка била мала и интимна, а кум им бил Емилио Естевез.

Дури подоцна изјавила дека бракот со Круз никако не ѝ помогнал во кариерата.

„Никој нема да те вработи затоа што си во брак со позната фаца. Всушност, мислам дека поради тоа ме тестираа малку повеќе.“

А некои приказни велат дека токму за време на тој краток брак актерката го внела во скиентологијата. Имено, нејзиниот татко бил еден од првите членови на Скиентолошката црква и близок пријател на основачот Л.Рон Хабард, а нејзиниот прв сопруг Џим Роџерс бил скиентолошки советник.

Таа еднаш во едно интервју рече дека филозофијата на скиентологијата била „дел од нејзиното воспитување“ и дека нејзиниот татко се вклучил во тоа пред таа да се роди.

По разводот со Круз, се верува дека Мими ја напуштила црквата, а нејзиниот татко, откако самиот ја напуштил во 80-тите, наводно бил прогласен за „супресивна личност“.

Разводот беше финализиран во февруари 1990 година, а актерката со спогодба добила четири милиони долари. Само 10 месеци подоцна, Круз се ожени со Кидман.

Во 1993 година, Мими даде интервју за Плејбој и зборуваше за нејзиниот сексуален живот со Круз, велејќи дека тие немале секс неколку месеци пред нивниот развод.

– Ова е вистинската приказна – Том сериозно размислуваше да стане монах, барем во тој период од неговиот живот, поради што се чинеше дека бракот не се вклопува во неговите духовни потреби. Тој веруваше дека мора да биде во целибат за да ја одржи чистотата на својот „инструмент“- изјави Роџерс.