Поранешниот вицешампион на Македонија, Кожув ја прекина соработката со тренерот Игор Михајловски.

Михајловски си заминува од клупата на Кожув после осум кола во новата сезона и ова е прва тренерска смена. Кожув во досегашниот дел од првенството забележа три победи и сите ги оствари на домашен терен.

Прекинот на соработката е со спогодба од двете страни, откако било заклучено дека така е најдобро. За Михајловски ова беше втор ангажман во Кожув откако претходно овој тим го водеше во сезоната 2016/2017.

Во наредниот период Апостоли Апостолов и Илија Ефтимов ќе го водат тимот. Прв предизвик за нив ќе биде натпреварот со шампионот МЗТ Скопје на 12. декември.