Здружението за глуви и наглуви „Тишина” од општината Карпош, протестира пред Министерството за труд и социјална политика.

Тие со свирчиња и транспаренти пристигнаа пред зградата на МТСП. Преку транспаренти прашуваат зошто е избрижано здружението „Тишина“ од Националниот сојуз на глуви и наглуви.

Тие регираат бидејќи вработените во здружението немаат земено плата од јануари годинава, а парите Министерството им ги префрла на Националниот сојуз за глуви кои треба им ги префрли на Зружението „Тишина“.

Преку транспаренти бараат Министерството за туд и социјала, општинските здруженијата за глуви и наглуви, директно да бидат платени од Министерството.

Министерката Мила Царовска по прес-конференцијата во Владата рече дека не може да се меша меѓу Националниот сојуз и Здружението „Тишина“, вели тие треба меѓусебно да се договорат.