Косовските медиуми објавија синоќа видео од тепачката меѓу кандидатите за пратеници на Косово, Дардан Молиќај и Хаки Абази која случи пред три недели во Косово Поље.

Претставниците на Социјал-демократската партија и на Движењето Самоопределување, физички се пресметаа по една телевизиска дебата која беше проследена со меѓусебни тензии и обвинувања.

Физичкото насилство меѓу Молиќај и Абази ескалираше во ходникот на еден колеџ, откако излегоа од импровизираното телевизиско студио од каде се емитуваше емисијата, а пак целиот настан бил снимен од безбедносните камери, јавува Весникот Сињали, кој и ги објави ексклузивните снимки.

Од тој ден, полицијата не даде никаква информација за тоа кој прв ја започна тепачката и кој беше жртвата од нападот.