Просечната месечна нето плата во Република Српска исплатена во мај изнесувала 1.549 конвертибилни марки (КМ), што е околу 792 евра и е за 5,2 проценти повисока отколку во април, објави денеска тамошниот Републичкиот завод за статистика.

Како што пишува „Танјуг“, највисоката просечна плата во петтиот месец во Република Српска е исплатена во областа на информациите и комуникациите и изнесувала 1.927 КМ (околу 985 евра), додека најниската од 1.192 КМ (610 евра) е во градежништвото. .

Во сите области, раст на платите е забележан во мај во споредба со периодот од пред една година, а највисок во секторот јавна администрација и одбрана и задолжително социјално осигурување (16,7 проценти), образование (13,1), како и здравствена заштита и социјални работи (13,1).