Натпреварите во шпанскиот Суперкуп кои на програмата се во јануари добија нови датуми.

Турнирот повторно ќе се игра во Саудиска Арабија во Џеда и во него ќе учествуваат најдобрите екипи од минатата сезона. Како што е пракса веќе пет години место на Суперкупот добиваат првите две екипи од Ла Лига и финалистите од Купот на кралот.

Оваа година тоа се: Реал Мадрид, Барелона, Мајорка и Атлетик Билбао. Денеска од Шпанија потврдија дека се променети термините за двете полуфинални средби и тие ќе се играат на 8 и 9 јануари. Први својот натпревар ќе го играат Барселона и Атлетик Билбао на 8 јануари, додека еден ден подоцна силите ќе ги одмерат Реал Мадрид и Мајорка.

Победниците ќе се сретнат во финалето кое е закажано за 12 јануари. Барселона и Реал Мадрид играа во последните две финалиња во кои каталонскиот гигант во 2023 година победи 3:1, додека минатиот јануари Реал беше подобар со 4:1.