Продолжува програмата „Туризам за сите 2025“ за избраните корисници, која им овозможува на Грците да ги поминат своите одмори во земјата со искористување на нематеријалната дигитална картичка од програмата, исто како со едноставна дебитна картичка. Министерството за туризам ги поканува сите корисници да ја активираат и користат својата картичка до 30 септември 2025 година (висока сезона) и од 1 октомври 2025 година до 31.12.2025 година (ниска сезона), искористувајќи ги предностите на програмата и запознавајќи се со дестинациите во Грција, објави То Вима.

Буџетот за оваа намена на Министерството за туризам е повеќе од 25,3 милиони. Програмата е наменета за сите граѓани, со посебна грижа за пензионерите, семејствата со еден родител, семејствата со три или повеќе деца и лицата со попреченост. Дигиталната картичка на програмата делува како „билет“ за патувања во секој агол на Грција – од популарни дестинации до планински села и помалку познати области.