Вработена во малопродажен синџир добила отказ бидејќи на распродажба во тој синџир купила производ чија цена драстично е намалена поради грешка во системот. Имено, во продавницата на „Јиск“ во февруари во експозитурата „Кинг Крос“ во Јанкомир, продавачката купила две перници за едно евро, иако редовната цена на перниците била 36,99 евра. Компанијата предупредува дека нивната вработена „употребила системска грешка што предизвикала значително намалување на цената на производот за нејзина корист“, објави Даница.хр. Покрај тоа, таа немала одобрение од менаџерот на продавницата, што е неопходно кога таков попуст користат нивните вработени. После тоа, продавачката потпишала договорен раскин на договорот за вработување и тврди дека ја принудиле на тоа и ја довеле во заблуда. Со тоа таа се откажала од правото на отпремнина и другите права кои ѝ припаѓале. Таа вели дека го потпишала бидејќи била исплашена и збунета.

„Се работи за набавка на две перници кои се враќаа преку интернет. Откако ја погледнав нивната цена, која беше едно евро, го прашав мојот менаџер дали можам да ги купам и тој ми даде дозвола. Не ја проверив цената, не е моја работа“, вели поранешната вработена во „Јиск“.

Минатата недела судот пресуди во нејзина корист и го поништи договорениот раскин на договорот што го потпишала со работодавецот. На „Jиск“ со пресудата му е наложено да ѝ плати на продавачката 9.800 евра обесштетување и да покрие 1.250 евра парнични трошоци. Вкупно се работи за 11.000 евра, а каматата оди на сè. Работничката нема намера да се врати на работа во „Јиск“, иако имала право на тоа. Пресудата е правосилна и компанијата може да се жали.