Еден од најдобрите фудбалери на Лацио, Сергеј Милинковиќ-Савиќ ќе биде исфрлен од првиот тим по кавгата со тренерот Маурицио Сари, пишуваат италијанските медими.

Сари не е задоволен од однесувањето на Милинковиќ-Савиќ и му се пожалил на претседателот Клаудио Лотито дека српскиот репрезентативец се однесувал арогантно, дека не е лидер на тимот и заменик капитен, што се очекува од него. Фудбалерот е казнет со 50.000 евра по заедничката вечера на првиот тим.

?? Il rapporto tra Maurizio Sarri e Sergej Milinkovic-Savic è ai minimi storici. Il serbo può esser escluso già dalla gara contro il Venezia e l’addio alla #Lazio in estate sembra scontato (e occhio se dovessero arrivare maxi offerte a gennaio) @TuttoMercatoWeb

— Marco Conterio (@marcoconterio) December 20, 2021

Поради ваквиот развој на настаните се очекува Лотито да се обиде да го продаде Милинковиќ-Савиќ уште во јануари.

– Не го продадов за 140 милиони евра бидејќи тоа му го ветив на Симоне Инзаги. Не ми е гајле за парите, само сакам респект и максимална посветеност – изјави Лотито за „Тутомеркато“ кој пишива дека вредноста на српскиот репрезентативец сега изнесува 70 милиони евра.

Оваа сезона, Милинковиќ-Савиќ одигра 23 натпревари за Лацио во Серија А и во Лигата на Европа и постигна пет гола и имаше уште пет асистенции.