Eден од најважните фудбалери на Рома, Паоло Дибала доживеал повреда на препоните поради која ќе биде надвор од терените неколку недели, пренесуваат италијанските медиуми.

Дибала повредата ја заработил во второто коло од Серија А против Верона, натпревар во кој неговиот тим беше поразен со 2:1. Аргентинецот на теренот беше до 68. минута кога го замени Солбакен.

Оваа повреда на Дибала значи дека Рома ќе биде без него во дербито против Милан кое се игра на 1. септември. Првичните најави се дека Мурињо ќе го има на располагање по репрезентативната пауза, некаде кон средината на септември.

Рома немаше баш најдобар старт на сезоната и во првите две кола освои само еден бод.