Шпанскиот напаѓач Алваро Мората на денешниот тренинг на Милан заработил повреда по која бил хоспитализиран, објавија „росонерите“.

„Во текот на утринскиот тренинг, Мората претрпе траума при сдури со главвата со соиграч“, стои во објавата на Милан.

Италијанските медиуми пренесуваат дека Мората повредата ја заработил во судир со српскиот дефанзивец Страхиња Павловиќ. Како што стојат работите, Шпанецот нема да биде во комбинација за настап во 12. коло од италијанскиот шампионат против Каљари в сабота.

Од враќањето во Серија А каде што пристигна од Атлетико Мадрид, Мората постигна три гола на 12 натпревари во сите натпреварувања. Беше стрелец шпанскиот голгетер и против својот поранешен клуб, Реал Мадрид во Лигата на шампионите, натпревар кој Милан го доби со 3:1.

Во овој момент во Серија А Милан се наоѓа на седмото место со осум бода помалку од лидерот Наполи, но и натпревар помалку со Болоња кој беше одложен поради поплавите во овој град.