Полициски службеници од дебарското Одделение за внатрешни работи, привеле тројца жители од селото Долно Косоврасти, поради нелегален ископ на песок на брегот на река Радика.

– Синоќа во 21.30 часот, приведени се Е.М.(34), А.М.(39) и М.М.(45), сите од дебарското село Долно Косоврасти. Тие, претходно се затекнати покрај брегот на реката Радика, под „Бошков мост“ во близина на селото, при нелегален ископ на минерална суровина-песок, која потоа ја товареле на трактор марка „Ловол“ со дебарски регистарски ознаки, информираше денеска Стефан Димоски, портпарол на Секторот за внатрешни работи-Охрид.

Според него, по целосно документирање на настанот, против нив ќе биде поднесена соодветна пријава.