Дваесет и тригодишен гевгеличанец приведен е вчера на патот Табановце-Куманово, откако при преглед во неговото возило биле пронајдени четворица мигранти од Непал.

„На 18.10.2023 во 19.50 часот на автопатот Граничен премин Табановце- Куманово, полициски службеници од Полициската станица за граничен надзор Сопот при Регионалниот центар за гранични работи Север го лишиле од слобода Д.С.(23) од Гевгелија. При преглед во патничко возило „мерцедес“ со скопски регистарски ознаки, кое го управувал, биле пронајдени четири лица мигранти од Непал“, информираат од МВР.

По целосно документирање на случајот, МВР во координација со јавен обвинител, ќе биде поднесена соодветна пријава.