Полицијата го приведе 61-годишниот С.И. од село Подлес, кој вчера околу 16:10 часот пред неговата куќа по претходна расправија од пиштол „Црвена Застава“ испукал неколку куршуми и убил едно лице, а другото е рането.

-Од здобиените повреди во амбулантата во Градско починал 42-годишниот М.Д., а смрт констатирал лекар од Итна медицинска помош. М.В. (44) се здобил со тешки телесни повреди и бил пренесен во болницата во Велес за укажување помош, информира Ристе Самарџиев, портпарол на СВР Велес.

Пиштолот бил пронајден и одземен, а С.И. бил задржан во полициска станица. Увид на местото на настанот извршиле екипа од СВР Велес и јавен обвинител по чија наредба телото на починатиот било дадено на обдукција.