Осумдневен притвор добија тројца од осумте приведени лица кои го уништуваа македонското знаме.

Судија на претходна постапка го прифати предлогот на Обвинителството и одреди осумдневен притвор за тројца од лицата кои го сквернавеа македонското државно знаме. Одлуката е образложена со „опасност од бегство и повторување на делото“.

Приведените се осомничени за кривичното дело од член 319, став 1 од Кривичниот законик, а поврзани со вчерашните настани во кои беа уништувани национални симболи и државното знаме. Доцна попладнево, тие со полициска придружба беа спроведени во Кривичниот суд. За ова кривично дело предвидена е затворска казна од една до пет години.